په ننگرهار کې د داعش په مرکزونو هوايي بريدونه شوي
کابل ټکی کام انصار
له ننګرهار ولایت څخه په ترلاسه شویو خبرونو کې ویل شوي دي، په اچین ولسوالۍ کې د داعش په مرکزونو باندې هوايي بریدونه شوي دي چې په نتیجه کې یې د داعش ۱۴ جنګیالي له مینځه تللي دي.
راپور وايي چې برید هغه مهال ترسره شو کله چې د داعش وسله وال په یوه پټنځای کې راټول شوي وو او غوښتل یې د یوه نامعلوم برید لپاره تیارۍ ونیسي.
راپور زیاتوي بریدونو د داعش هغه مرکزونه هم په نښه کړي دي، چېرته چې دوی وسله او نور مهمات پټ کړي وو.
