جاپان ته ځپوونکی طوفان رسېدونکی دی
کابل ټکی کام ۰۱میزان/۱۳۹۴
راپور: انصار
د جاپان د هوا پېژندنې ادارې خبر ورکړی چې له جنوب ختیځه جاپان ته یو سخت ځپوونکی طوفان ور روان دی، دا یاده اداره وایي چې د دې طوفان د تېرېدنې ګرېنتوب په یوه ثانیه کې له ۱۸څخه تر ۲۵مترو پورې ثبت شوی دی.
د ادراې د اټکل له مخې امکان لري جاپان ته رسېدونکی طوفان به د دغه هېواد ساحلي سیمې چې پکې به عمومي رخصتي وي ور ورسیږي.
د تاس خبري اژانس خبر ورکړی چې په روانه میاشت کې د زیاتو بارانونو له امله په جاپان کې ۷تنه مړه او تر ۴۰پورې یې ژوبل شوي دي.
رسنۍ زیاتوي چې د ډېرو سختو بارانونو له امله د «کینګواو» د سیند څپې په اېبراک سیمه کې د ډنډ څخه ووتې، او د زیسور د ښار په کوڅو کې د یوه لوی سېلاب په شکل روانې وې چې تر ۱۲۰۰۰۰پورې کورونه یې له ځانه سره لاهو کړل.
د یادونې وړ ده چې په ۲۰۰۵ او ۲۰۰۷ کال په دغه هېواد کې سختو بارانونو جاپان ته مالي او ځاني تاوانونه اړولي وو.
