هرات کې طالبانو ۴ سیمه ییز پولیس وژلي
کابل ټکی کام ۲۸غويي/۱۳۹۵، احمدالله مهاجر
له هرات ولایت څخه خبري منابع وايي، چې د دغه ولایت د اوبه ولسوالۍ په ګرشک کلي کې طالبانو ۴ سیمه ییز پولیس وژلي دي.
خبر وايي، دغه پولیس نن د طالبانو په یوه کمین کې په نښه شول.
د هرات ولایت امنیه قومندانۍ هم رسنیو ته تأیید کړه، چې طالبانو یې ۴ سیمه ییز پولیس وژلي دي.
د هرات د امنیه قومندانۍ ویاند عبدالرووف احمدي ادعا کوي، چې طالبانو ته مرګ ژوبله اوښتې ده، خو کره شمېره یې څرګنده نه کړه.
طالبانو لا تر دا مهاله پورې د دغې پېښې په اړه څه نه دي ویلي.
