رضايي: طالبانو د فاریاب ۵ ولسوالیو کې حملې زیاتي کړي
کابل ټکی کام ۱۳۹۵غبرګولی ۱۲ عبدالهادي همت
په فاریاب کې د امنیتي چارواکو په وینا، وسله والو طالبانو په پینځو ولسوالیو کې شدید عملیات پيل کړي دي.
په فاریاب کې د ۲۰۹ شاهین قول اردو د لومړۍ لوا ویاند جګړن محمد رضا رضايي رسنیو ته وویل چې امنیتي ځواکونه په دفاعي حالت کې دي.
محمد رضا رضايي زیاته کړه: په فاریاب کې وروستۍ څلور ورځې د امنیتي ځواکونو او د وسله والو طالبانو ترمنځ د خونړیو جګړو شاهدې وې، خو اوسمهال، د غورماچ ولسوالۍ شاوخوا ته سخته جګړه روانه ده.
د فاریاب د ولایتي شورا مشر طاهر رحماني وايي چې د خوجه سبز پوش ولسوالۍ څلور امنیتي پوستې او د قیصار ولسوالۍ ۱۷ کلي وسله والو طالبانو نیولي دي.
بل خوا ته طالب ویاند قاري یوسف احمدي رسنیو ته په لیږل شوی خبر پاڼه کې ویلي، چې د قیصار پراخي سیمي یې نیولي، دقومندان په شمول ۱۵امنیبي ځواکونو ته مرګ ژوبله اوښتې.
نوموړی زیاتوي: بیګا شپه دعمري عملیاتوپه لړکې دیادي ولسوالۍ اړوند د خواجه ذات خوان، ارکلیک، زعفران، بیدکي او چکنک سیموکې یې د دښمن په مرکزونو وسلوال بریدونه ترسره کړل ، چې پکې سپکې اودرنې وسلې وکارول شوې، په پایله کې یادي سیمي په بشپړه توګه ددښمن څخه تصفیه شوي، ۱۰ تنه عسکر قتل شوي او د قومندان نجیب په شمول ۵ تنه نور سخت ژوبل شوي دي.
خبرزیاتوي چې اوس دیادي ولسوالۍ په نورو سیموکې له ګوډاګیانوسره جګړه دوام لري او په اړه نورجزئیات به یې وروسته پرلیکه شي.
