کابل ټکی کام ۱۳۹۵ غبرګولی۱۵ عبدالهادي همت
د فراه ولایت امنیه قومندانۍ امر محمدغوث مالیار رسنیو ته ویلي: پېښه تېر ماښام د فراه ولایت بالابلوک په ولسوالۍ کې هغه مهال رامنځته شوه چې یو بس موټر له کابل څخه هرات ته پر لاره و له سړک څخه بیځایه او چپه شو .چې په کې ۱۷ کسان وژل شوي او ۳۱ نور ټپیان دي. نوموړي د موټر د چپه کېدلو سبب د سرعت ډېر والی بللی دی.
د فراه ولایت د عامې روغتيا رييس عبدالجبارشايق هم پېښه تایید کړې او وايي، چې د پېښې له ځای څخه ۳۱ ټپیان ددغه ولایت روغتون ته راوړل شوي دي، ده وویل چې ددوه ټپیانو روغتیايي حالت د انديښڼې وړ دی.
د یادونې وړ ده چې په هیواد کې ترافیکي پېښې مخ په زیاتیدو دي، چې موټر چلوونکو د بې غورۍ او تیز سرعت څخه نوموړې فاجعې رامنځته کیږي.
څو ورځ مخکې د افغانستان اسلامي امارت هم په هېواد کې د ترفیکي پېښو د ډېریدو په اړه یوه اعلامیه کې خپره کړه، چې په کې ویل شوي وو: ترانسپورتي شرکتونه که دغې بې توجهي ته دوام ورکړي او خپل موټر چلونکي په پوره احتياط مکلف ونه ګرځوي، نو اسلامي امارت مجبوريږي چې د دې پيښو د مخنيوي اقدام وکړي او د بيا ځلې تکرار په صورت کې يې د شرکت مشران او موټر چلونکي د حساب ميز ته کينوي.
