قطر د بغلان ولایت له سلګونو سېلاب ځپلو کورنیو سره مرسته وکړه
کابل ټکی کام ۲۰غبرګولي/۱۳۹۵، احمدالله مهاجر
د قطر هېواد له لورې د بغلان ولایت د سلګونو سېلاب ځپلو کورنیو سره د خوارکي توکو مرسته وشوه.
د بغلان ولایت د سرې میاشتې رئیس عبدالرحیم قیومي رسنیو ته وویل، چې په دغو مرستو کې اوړه، غوړي، وریجې، شیدې او نور شیان شامل دي.
د سرې میاشتې د مسئولینو له قوله چې دغه کورنۍ د تېر کال او د روان کال د سېلابونو له کبله زیانمنې شوې وې، چې دا ډول مرستو ته یې ډېره اړتیا وه.
د یادولو ده، قطر هېواد دا مرسته په داسې حال کې کوي، چې په دې وروستیو کې د خیریه مؤسسو له خوا هم په بغلان ولایت کې له هغو کورنیو سره مرستې وشوې، چې د سېلابونو او نا امنیو له کبله متضررې شوې وې.
