ژباړه : منیب وفایار
د سپي یوه غټه ربړي سوټه، چې قیمت یې ۲۰۰۰یورو دی غلو تښتولې، دا د دې د پاره ډیزاین شوې وه، چې خلک د خپلو سپیانو د غایطه موادو اهتمام وساتي، او ښار د خپلو سپیو د غایطه موادو نه پاک او په امن کې وساتي.
دا غټه سوټه د یوه کمپاین لخوا په «ټرلیدون» ښار کې، چې د اسپانیې پایتخت سره نږدې دی د ښاروارلۍ تالار په مینځ کې ایښودل شوې وه.
په دې ښار کې په هرو ۴ کسانو کې یو کس سپی لري، نو په ټول ښار کې تقریباً ۶۰۰۰ سپي دي او په یوه ورځ کې ۱۵۰۰۰ واري غایطه مواد له دې حیواناتو نه صادریږي او د دی حیواناتو څښتنان هم دومره وفادار نه دي، چې د خپلو سپیو پاک کاري دوی په خپله وکړي، بلکې د ښار د پاکوالي تنظیم یعنې ښاروالۍ ته یې پریږدي، چې حکومت د دې کثافت څخه ډیر زیات په تنګ و.
د دغې غټې ربړي سوټې ځای پر ځای کول صرف د ښار خلکو ته پوهه ورکول وو.
علاوه د دې سوټې نه د داسې نورو مشکلاتو په اړه هم د حکومت لخوا داسې انزورونه، تابلوګانې او مجسمې هم لګول شوي دي، چې مقصد یې صرف خبرداری او د خلکو متوجه کول وو.
د هسپانيې حکومت دې کثیف مشکل ته په بیلا بیل ډول د خلکو متوجه کول اوپوهه ول کړي دي، لکه د سپیانو د غایطه موادو په اړه رسالې لیکل ،په واټونو کې د پوهاوي انزورونه لګول، مجسمې ودرول او نور دا ډول شیان یې دا ښار په هر ګڼ ځای کې نصب او ځای پر ځای کړي دي.
د دې ۳۰ کیلو ربړي سوټې د غلاکولو پر وخت غلو ترې هوا ویستلې او له ځانه سره یې وړې، خو بیا يې هم وزن ۳۰ کیلو وو.
د دې ښار د ښاروالۍ مسؤول انجل ګیرو وویل: زه دې غلا بلکل په تعجب کې واچولم او بلکل یې حیران کړم، چې اوس څه وکړم!
په پای مو له ځان سره وویل، چې کیدای شي دا غلا د چا لخوا نه یوه ټوکه وي او بیرته نوموړې ربړي سوټه راوړي.
ده دا هم وویل، چې د دې کمپاین د جاري کیدلو د پاره زر دی، چې یوه بله سوټه د دې په عوض کې په همغه پخواني ځای باندې نصب او ځای پر ځای شي.
