کابل ټکی کام ۱۳۹۵ چنګاښ ۱ زرغون خوږیاڼی
طالب ویاندقاري یوسف احمدي رسنیو ته په لیږل شوې خبر پاڼه کې ویلي، چې د هرات ولایت په پشتون زرغون ولسوالۍ کې نن سهار ۹ بجې د عمري عملیاتو په لړ کې د یادې ولسوالۍ اړوند د اب ګرمک په سیمه کې د اربکیانو په مهمه قرارګاه وسلوال بریدترسره شو، چې په کې سپکې اودرنې وسلې وکارول شوي.
طالب ویاند وایي: یادې جګړې د مازدیګر تر ۴ بجو پورې په شدت سره دوام وکړ.
قاري یوسف احمدي ویلي، چې یاده قرارګاه یې ټولیزه توګه نیولې او په کې میشت ۱۶ تنه محلي پولیس ځای پرځای وژل شوي، چې جسدونه یې د جګړې په ډګر کې پاتي دي ا و نور یې په تېښته بریالي شوي دي.
احمدي زیاته کړې ، چې په یاده جګړه کې یې له دښمن څخه ۱۸ میله سپکه او درنه وسله نیولی، چې په کې ۳ پیکا، ۳ راکټونه ، ۱۲ کلاشینکوفونه ، شپږ عرادې موټرسایکل اوګڼ نور مهمات هم شامل دي.
په یاده جګړه کې طالب ویاند د خپلو ۳ ملګرو د وژل کېدو او د یو تن ټپي کیدل هم تائيد کړي دي.
افغان امنیتي سرچینو تر اوسه په دې اړه رسنیو ته څه نه دي ویلي.
د یادونې وړ ده ،چې نن ورځ په رسنیو کې په هرات ولایت کې د طالبانو د خپلمنځي جنګ خبرونه هم ورکول شول، چې طالبانو په دا خبر په کلکو ټکو وغندلو او له رسنیو څخه یې وغوښتل چې د مغرضو کړیو ښکار نشي او د مطبوعاتو رسالت ته پام وکړي.
