دا ملاله بلېنډه ده پرهرژلیه!\بلېنډه بدرۍ
کابل ټکی کام ۰۱چنګاښ/۱۳۹۵، شعر: بلېنډه بدرۍ
څه له ویر ډکه کیسه ده پرهرژلیه
ستا په وینو باندې سره ده پرهرژلیه
په غمبورو د انګار راتېره شوې
سوې لوې دې بشره ده پرهرژلیه
ته په ژۍ د خپل ژوندون مړ ژواندی پروت یې
خو څپانده دې جذبه ده پرهرژلیه
هسې پام دې د زخمو غلطومه
غوږ شه څه ښه قصیده ده پرهرژلیه
مات لښکر ېې په ټپو چې بیرته جوړ کړ
دا ملاله بلینډه ده پرهرژلیه
