کابل ټکی کام ۱۳۹۵ چنګاښ ۲ زرغون خوږیاڼی
په يمن کې حوثي مليشو د جليل القدر صحابي عمر الفاروق رضي الله عنه نوم د لومړي صنف له کتاب څخه لرې کړی او پر ځای يې د محمود نوم ايښی دی.
حوثي مليشې وايې، چې دوی دا کار د درسي نصابونو د تعديل په موخه کړی.
مطبوعاتي فعالانو څه موده وړاندې له رسنيو سره د ځينې تعديلاتو انځورونه نشر کړي وو، چې په کې ځينې داسې مفردات و، چې د اهل تشيع د کلتور ترجماني يې کوله.
ديمن د حالاتو څارونکي په دې نظر دي، چې د حوثي مليشو له لوري دغه ډول اقدامات په نصاب کې دخپلو معتقداتو سره سم بدلون راوستل دي او په دې توګه غواړي اهل السنت سره خپله دښمني وپالي، او ټولنه له خپلو عقيدو سره اشنا کړي.
د يادونې وړ ده، چې روافض د نبي کريم صلی الله عليه وسلم له اصحابو سره بغض او د ښمني لري، په ځانګړې توګه له خلفاء راشدينو سره، خو تر ټولو سخته دښمني يې ددوهم راشد خليفه عمر بن الخطاب رضي الله عنه سره ده.
عالمان ددې وجه دا په ګوته کوي چې عمر فاروق رضي الله عنه هغه صحابي دی، چې د فارس امپراطوري يې د نړۍ له مخ څخه دتل لپاره محوه کړه، چې تر اوسه بيا د سر پورته کولو جوګه نه ده.
