کابل ټکی کام ۱۳۹۵ چنګاښ ۲۷ عبدالهادي همت
د ترکیې چارواکو د دې هېواد په ختیځ کې د امریکا پوځي اډه په موقتي ډول د داعش ضد ایتلاف د عملیاتو لپاره کارول منع کړي.
دا اډه په عراق او سوریه کې د داعش پروړاندې په ځمکنۍ مبارزه کې کلیدي رول لري.
امریکا وایي چې د شنبې شپې تر ناکامې کودتا وروسته د ترکیې چارواکي د الوتکو او چورلکو د الوتنې اجازه نه ورکوي او له اینجرلیک اډې هوایي عملیات درېدلي دي.
ترکیه کې د امریکا کونسلګرۍ د شنبې په ورځ وویل، دغې اډې ته تګ راتګ بند شوی او برېښنا پرې شوې.
د امریکا د دفاع وزارت ویاند پیټر کوک په یوه خبرپاڼه کې ویلي، امریکا له ترکیې سره اړیکه کې ده، څو له اینجرلیک اډې هوایي عملیات بیرته پیل شي.
بلخوا د ترکیې بهرنیو چارو وزیر مولو چاوش اوغلو وایي، د ترکیې ځینې سرتېري چې په اینجرلیک کې دېره دي، د شنبې شپې ناکامې کودتا سره ملګري و او په دې تړاو ځینې نیول شوي
