خوږیاڼی: ننګرهار کې د داعش ډلې لوړپوړی قوماندان سعد امارتي ووژل شو
کابل ټکی کام ۱۳۹۵ زمری ۵ زرغون خوږیاڼی
د ننگرهار د والي ویاند عطاالله خوږیاڼی وايي: قومندان سعد اماراتي پرون ماښام مهال د کوټ ولسوالۍ په سرای بازار سیمه کې د ځانګړو ځواکونو له لوري د مخامخ جګړې پر مهال ووژل شو.
ویل کیږي، چې سعد اماراتي د داعش ډلې نظامي مرستیال و او په وروستیو کې په کوټ ولسوالۍ کې د جګړې رهبري پر غاړه درلوده.
تر اوسه پورې د داعش وسله والې ډلې په دې اړه څه نه دي ویلي.
د یادونې وړ ده، چې څه وخت مخکې هم دولتي ځواکونو د سعد امارتي د وژلو خبر ورکړی و، خو وروسته معلومه شوه چې نوموړی ژوندی و.
