د ترکیې پوځ د جولای په ۱۵ مه نېټه ناکامه کودتا کې د کډون کوونکو عسکرو او تجهیزاتو شمېره اعلان کړه
کابل ټکی کام ۱۳۹۵ زمری ۶ زرغون خوږیاڼی
د ترکیې پوځي ځواکونو د جولای په ۱۵ مه په ناکامه کودتا کې د کډون کوونکو عسکرو شمېره اعلان کړه.
د ترکیې لوی درستیزوالۍ په کودتا کې د ګډون کوونکو عسکرو او کارول شوو وسلو او مهماتو شمېره د رسنیو په وړاندې اعلان کړه.
د لوی درستیزوالۍ لخوا په خپره شوې خبرپاڼه کې ویل شوي دي، چې د جولای ۱۵مه نیټه په ترکیه کې ناکامه کودتا د وسله وال پوځ په لیکو کې د ځای پر ځای شوو ۸۶۵۱ تنو ترهګرو لخوا شوې ده.
په خپرپاڼه کې ویل شوي دي، چې په دې کودتا کې د ۷۴ ټانکونو، ۲۴۶ زغروالو موټرو ، ۳۵ جنګي الوتکو، ۳۷ جنګي چورلکو ، ۳ جنګي بیړیو او ۳۹۹۲ میلو وسلو نه استفاده شوې ده .
خبر پاڼه زیاتوي، چې په کودتا کې د ترکیې د وسله والو ځواکونو ۱ عشاریه پنځه سلنه پرسونل فعاله ګډون کړی دی.
په کودتا کې د ګډون کوونکو څخه ۱۶۷۶ تنه سرتیري او ۱۲۱۴ تنه يي عسکري زده کوونکي دي، چې لا له زده کړو څخه فارغ شوي نه وو.
