د ازادۍ زیري
غزل
د ازادۍ زیري د هسک پامــــیر له سره راغـلل
له لرې لرې راته ښکاري له سنــــــګره راغـلل
د ازادی امــام زلمي په خندا غیــــږ کې نیـسي
بیا د جهاد د بري زیري له ممبــــــــــــره راغـلل
د شـــــیطانـانـو ټول صفـــــــونه یې ور ونـــړول
چي راڼه ستوري پرې د ستورو له لـښکره راغلل
تورې تیارې هـم په ژړا له پــــورې کلـــــي لاړې
چې پرســــــــینه یې ګوزارونه د ژېړ لمره راغلل
وګورئ! بیا زلمي تاریخ کې نوی باب جــــوړوي
چې بریمن په هسکه غاړه له سنـــــــګره راغــلل
د شهادت عروج ته هسک شول شازلمي په خندا
چي یې پر ژبــه ها یادونه له خــــــــيبره راغـــلل
د زلمو حسن کي خوښي او خوشحالي ښکاریږي
لکه د کــوم ښکاري په لاس کي مرغلره راغــلل
(جهادمل) بیا اورم د ښکلو شــازلمو ســـــــندرې
زلمــي نن بیــا د ازادۍ وايــــي سنـــدره راغــلل
