د الجزیرة نه په مننې.
راټولوونکی : عزیر اسدخیل
نن په دوهمه ورځ هم د لیبیا په مرکز سرت ښار کې د اسلامي دولت تنظیم پر مورچلو باندې امریکایی بمباري روانه وه، دا بمبارۍ وروسته له هغی پیل شوه چی د لیبیا اېتلافي حکومت ځواکونو د الدولار ښار د نیولو اعلان وکړ او د حکومت ولسمشر فایز سعید د البنیان المرصوص د عملیاتو له اطاق نه لیدنه وکړه.
د البنیان المرصوص د عملیاتو د اطاق ویاند محمد العصری ویلي دي چې تر اوسه امریکایی هوایی ځواکونو پنځه ځل د اسلامی دولت تنظیم پر مرکزونو بمبار وکړ.
الغصری زیاته کړه چې د البنیان المرصوص او اسلامی دولت د وسله والو تر منځ په پرلپسې توګه نښتی روانې دي، او د نظامي انجنیری دلګي له هغه سیمی نه چی د دوی تر ولکی لاندی شوي دي لیدنه او تفتیش کوي څو پاتي ماینونه او بمونه خنثی کوی.
په سرت ښار کې د الدولار د سیمی له داخل نه د الجزیرة خبریال تاکید کوي چی د ائتلافي حکومت اړوند د البنیان المرصوص ډلی د الحي ښارګوټی په مکمل ډول نیولی دی، دا هغه ښار دی چی د ښار لویدیځ له ختیځ څخه جلا کوي او د اړیکی پر خط باندی پروت دی.
هغه زیاتوی چې نښتې اوس هم د سپکو او درنو وسلو په واسطه دوام لري تر دی چی جګړه د قصور الضیافة سیمی ته چې د قاعات او اعادوغو په مخی کی پرته ده سرایت کړی (چی په ښار کی د اسلامی دولت د تنظیم مرکزي سیمه ده) او هغه هوټل هم دی چی د اسلامي تنظیم وسله والو به له هغی نه د قناصي په واسطه سرتیری په نښه کول.
پخوا حکومتی ځواکونو اعلان کړی و چی د حی الدولار پر سیمه یې د دی لپاره ولکه ټینګه کړه چې د اسلامي تنظیم کلابندی لا ټینګه کړي، دغو ځواکونو په خپله فیسبوک پاڼه کې په رسمي ډول بیان خپور کړی چی ځواکونو یې د حی الدولار خواته پرمختګ کړی چې د تیری یکشنبې په ورځ یې پیل کړی و.
له بل پلوه ولسمشر فایز السراج د البنیان المرصوص د عملیاتو له اطاق د ساحی نه د لیدنی پر مهال چې د مشرانو جرګې غړو یې هم ملګرتوب کاوه، پر یو شمیر نظامي قومندانانو سربیره په دغه نظامي اطاق کی له ځینو هوایی ځواکونو له مشرانو سره هم لیده کاته وکړه چې دا ټول ځواکونه د مشرانو جرګي پوری اړوند ځواکونه دي.
د سراج د اطلاعاتو دفتر لخوا د خپور شوی بیان سره سم ، هغه تاکید کړی دی چی د البنیان المرصوص ځواکونو ته به ټول امکانات برابروي څو وکولای شي د اسلامي دولت د تنظیم له منګولو نه د سرت ښار بیرته وژغوري.
په دې وروستیو کې سراج له دې نه پرده پورته کړه چې امریکایی بمبارد په سرت ښار کی د مشرانو جرګې په غوښتنه پیل شوی دی او ویی ویل چی دا بمبارۍ تر محدودو پولو پوري منحصره ده او د ښار له پولو نه به تجاوز ونکړی، او د نړیوالي ټولنی مرستي به یواځې تر تخنیکی او لوجستیکی مرستو پوری انحصار ولري او بس.
همدا راز السراج د یوه اعلان له مخې له ټولو لیبیایی توکمونو نه غوښتنه وکړه چې ټول دی د اسلامي او نړیوالي ټولني اېتلاف تر څنګ ودریږي چې د ترهګرۍ ریښی وویستل شي او دا خبره یې په قاطع ډول رد کړه چې د مشرانو له جرګې سره له تفاهم پرته غرب په لیبیا کې هیڅ ډول مداخله نشي کولي.
د امریکا د دفاع وزارت اعلان وکړ چې دغه بمبارۍ په سرت ښار کي د اسلامي تنظیم پر ضد د اېتلافي حکومت سره د ملاتړ په توګه ترسره شوي ده، د وزارت یوه استازی تاکید وکړ چې په سرت ښار کې د اسلامي دولت د تنظیم ۱۰۰۰ وسله وال سرتیری وجود لري.
دا په داسی حال کې ده چې د فرانسی د بهرنیو چارو وزیر جان مارک ایرولت د لیبیا د اېتلافي حکومت لخوا نه د اسلامي دولت پر ضد د نړیوالي ټولني نه د مرستی غوښتلو هرکلی کړی دی. او زیاته کړی یی ده چی پاریس حاضر دی چی له دغه حکومت سره په دې اړه مرسته وکړی، او دا وعده یې له السراج سره د تلیفون له لاري کړی ده.
همدا راز نن د ایټالیا د بهرنیو چارو وزیر باولو جینتیلوني په خپل یوه بیان کی په سرت ښار کې د امریکا بمباري تایید کړې ده، او د السراج حکومت یې دې ته تشویق کړی دی چی د امنیت د بیرته راوستلو په خاطر چی څومره کولی شی لازم ګامونه پورته کړي.
