په تايلنډ کې اته پرلپسې چاودنې وشوې
(کابل ټکی کام ۱۳۹۵زمری ۲۲) الماس خدرخېل
د تايلنډ په مشهور ښار هوواحين کې د څو ساعتونو په ترڅ کې پرلپسې څلور چاودنې وشوې، لږ تر لږه پکې ۴ تنه مړه شول او ۳۵ نور ټپيان شوي، د تايلنډ د چارواکو په وينا چاودنې د نوموړي هېواد د ترانګ، هووا حين، سورات تاني او فوکيت په ښارونو کې شوي.
د تايلنډ لومړي وزير پرايوت چانوچا ويلي: دا لا څرګنده نه ده، چې دا بريدونه چا کړي او د بريد پړه تر دې دمه چا نه ده اخيستې.
د تایلنډ پوليسو رسنیو ته ویلي، چې رامنځته شوي بریدونه د ترهګریزو سازمانونو سره تړاو نلري.
د پوليسو مشر ويلي دي، چې تایلنډ د هیچا سره کومه ستونزه نلري. نه سیمه ایزه او نه هم دیني. هغه دا بريدونه د هېواد کورني مسايلو اړوند وبلل.
په بنکاک کې د سياسي چارو کتونکو، د بريدونو سره سم په جنوب کې مېشتو هغو مسلمانو پاڅون کوونکو ته ګوته ونيوله، چې له کلونو راهيسې د تايلنډ د دولت پر وړاندې جګړه کوي.
بايد وويل شي چې تېر کال د تايلنډ په پلازمینه بنکاک کې په یو سوداګریز مرکز کې، د معبد ترڅنګ په بمي بریدونو کې ۲۰ تنو ژوند د لاسه ورکړی وو او ۱۲۰ تنه نور ټپیان شوي وو.
