(کابل ټکی کام ۱۳۹۵ وږی ۱۳) زرغون خوږیاڼی
طالبانو ویلي، چې دکندز ـ تخار لویه لاره د عامو او ملکي وګړو پر خلاصه ده.
د طالبانو ویاند ذبیح الله مجاهد وايي، چې د کندزـ تخار لویه له تېرو۱۳ ورځو راهیسې بنده وه، چې د سپین ږیرو او مخورو په غوښتنه د عامو ملکي وګړو د سهولت لپاره خلاصه شوه.
طالب ویاند وايي، چې اوس هم پر دغه لار د دښمن اړوند هیچاته د تګ راتګ اجازه نشته.
بلخوا ملکي خلک وایي، چې د لویې لارې په شاوخوا سیمه کې لا هم طالبان لیدل کېږي او کله ناکله د افغان ځواکونو او طالبانو ترمنځ مرمۍ هم تبادله کېږي، چې د عامو خلکو ژوند یې له ګواښ سره مخ کړی دی، د جنګونو له امله نشو کولی په ډاډه زړه له کوره راووځو.
دکندز امنیه قومندان قسیم جنګل باغ بیا وايي، چې د کندزـ تخار لویه لاره د یو لړ عملیاتو په ترڅ کې خلاصه شوې ده.
