د جنـازو لمونځـونـه/ س، سیرت
غزل/ س،سیرت
د بنـد ګـۍ لاس پـه نامـه د ودريـدو لمــونځـونه
خدايه په درکې مو قبول کې د سجدو لمونځـونه
اوس دمحراب پرځاى د ارګ لوري ته درومي مشران
کوي سهار ماښام لګيا دي د وعـدو لمـونځــونه
ده بدبختي منل، يوځای ديمـوکـراسـۍ په نامـه
چې کړي زاهد او مۍ پرست په ميکدو لمونځونه
آبــد خـو ناردى د مـظلـوم او بـــې ګنــاه په قتــل
بدبخت قاتل ته نوردود شوي د ويشتـو لمونځونـه
د اسيـا زړه کــې اور بلـيږي د ډالـــر پـه پـوکــو
ډير بې ضميره کړي په لوري د لمبو لمونـځونـه
د پنځه وخت فرضي لمونځونو زيات په کلي کې اوس
زمـونـږ امـام کــوي اکــثر د جنــازو لـمونځونـه
مونـږ پـه وژلـو ورکــوي ځان ځايـوي ســيرتـه
راځۍ چې وکړو مونږ د دوى د ورکيدو لمونځونه
