مومند ایجنسۍ:چاودنې لږترلږه ۵۰ کسانو ته مرګ ژوبله اړولې
(کابل ټکی کام ۱۳۹۵وږی ۲۷) الماس خدرخېل
په مومند اجنسۍ کې د جمعې د ورځې په لمانځه کې چاودنه شوې، چې پکې لږ تر لږه ۲۵ تنه وژل شوي او ۳۰ کسان نور پيان دي.
پاکستاني رسنيو ويلي، چې د جمعې د لمانځه پر وخت د امبار تحصيل په پایې خان سيمه کې په جومات کې وشوه.
ځايي چارواکو ويلي، چې د جمعې د لمانځه لپاره ډېر خلک راټول شوي و، د دې ډېر امکان شته چې له دې ډېرو خلکو ته مرګ ژوبله اوښتي وي.
تر چاودنې وروسته ټپيان نږدې روغتون د درمنلې په موخه وړل شوي، ځايي خلکو اندېښنه ښودلې چې د مرګ ژوبلې شمېر له دې هم لوړېدلی شي.
