د الجزیرة نه په مننې
ژباړه: عزیر اسدخیل
په اردن کی د انتخاباتو مستقل کمیسون د دغه هیواد د پارلماني انتخاباتو لومړنۍ پایلې اعلان کړې، لومړنۍ پایلي ښيئ چې له اتو کلونو پریکون نه وروسته یو شمیر مخالف کاندید اسلامپالي د لومړي ځل لپاره پارلمان ته بریالي شوي دي.
د الجزیرة خبریال عدنان بورینی له پایتخت عمان نه وایي چې اوس د اسلامي حرکت لپاره آن د ۱۵ چوکیو د ګټلو په اړه خبرې کیږي، هغه وویل چې دا لومړۍ پایلې دي، په داسی حال کی چی وروستنۍ رسمي پایلې به نن ماښام اعلان شی.
د لومړنيو نتایجو اعلان د اردن د پارلماني انتخاباتو د سیاسي نقشې له سترو تغیراتو نه پرده پورته کړې ده، په دې معنی چی اسلامپالي یو ځل بیا سیاسی میدان کې وځلیدل، او برعکس د دې انتخاباتو په نتیجه کې پخوانۍ څيرې پاتې راغلي هغه چې د پارلمان مجلس له ډیری مودی راهیسې پری ډک و.
خبریال زیاتوي: د انتخاباتو نتایج له څنګه چې توقع یې کیده ډیر لرې نه ښکاري، خو د هغو څیرو لپاره یو ناببره ټکان و چې له خورا اوږدو کلونو راهیسي له خپلو مشهورو نومونو سره آن له ۱۹۸۹ نه وجود ناستې پاستې کولې، چې اکثریت یې سرمایه داره طبقه تشکیلوي.
د التحالف الوطنی للاصلاح ګوند چې د جبهة العمل الاسلامي څانګه او د الاخوان المسلمین له ګوند نه جلا شوی ګوند دی دغه انتخاباتی مبارزه په شلو مرکزونو کې پر مخ بیایي او ۱۲۰ کاندیدان لري چې له جملی نه یې قومی او سیاسي شخصیتونه دی او ځینې نور مسیحیان او شرکسیان دي.
د الجبهة العمل الاسلامی یو شمیر کاندایدان په اکثرو ځایونو کې وړاندې دي، او تمه لري چې خدای به یی د مستقلو هغو کاندیدانو سره چې په ایتلاف کولو بریالیتوب ورپه برخه کړی هغه چی د مخالفینو په حیث په انتخاباتو کې ګډون کوي بریالیتوب ترلاسه کړي، او دا کار به د دې سبب شی چې داسی حالات رامینځته کړی چی پارلمان ته به وښوځوي ، سیاسی شنونکي وایي چې دې ګوند دا اقدام د حکومت پلوه کسانو لپاره هم یو لړ منفي او هم مثبت اغیز لرلای شي.
د انتخاباتو پایلې او هیلې:
د اردن په انتخاباتو کې د ۱۲۵۲ کاندیدانو مقابله روانه، چې له جملې نه ېې ۲۵۲ ښځینه او ۲۴ شرکسیان او ۶۵ مسیحیان، په ۲۲۶ انتخاباتی حوزو باندی د استازیو د جرګي په ۱۳۰ چوکیو باندی، چې له جملې نهیې ۱۵ چوکۍ ښځو ته ځانګړی شوی دی او ۹ مسیحیانو ته او ۳ نورې شرکسیانو او چچنایانو ته ځانګړې شوي دي.
له ۴.۱ ملیون اردنیانو نه نږدی یونیم ملیونه اردنیانو خپلې رایی وکارولې، دا د ۲۰۱۳ کال انتخاباتو ته ورته انتخابات وو، د یادونې وړ ده چې نږدی یو ملیون نورو اردنیانو ونکړای شول چې په خپلو سیمو کې د آسانتیا د نه موجودیت له امله رایی وکاروي.
دا ارقام د مستقلو مراجعو لخوا هم تایید شوي دي.
