په افغانستان کې چې دکلونوراهيسې دجګړو ترڅنګ کله دسولې غږ پورته شي بياېې دعملې کيدوڅرک نه وي .
خو له بده مرغه به ووايو چې په افغانستان کې دسولې غوښتونکو هيوادونوپه پرتله جګړه غوښتونکي هيوادونه ډير او هم په مستقيم او غيرمستقيمه توګه دجګړې په دوام کې لاس لري .
امريکا او دامريکاسره ملاتړ ي هيوادونه په افغانستان کې دجکړې په دوام کې خپلې ګټې ويني چې د وسلو دفابريکو دګټوترڅنګ ېې نورې سياسي او منطقوي سياليزې ګټې هم ترلاسه کيږي.
تيره ورځ دپاکستان صدراعظم نوازشريف په نيويارک کې دملګروملتونو دعمومي اسمبلۍ په ٧١مه غونډه کې وويل:
په افغانستان کې د کلونو راپديخوا د روانې جګړې د پاى ته رسيدا او په دغه هېواد کې د تلپاتې سولې لپاره د افغان دولت او افغان طالبانو تر منځ مذاکرات تر ټولو غوره لار ده که څه هم يوشمير افغان چارواکي دنوازشريف داغوښتنه چې په افغانستان کې سوله راشي دزړه له تله نه بولي خو کومه ويناچې نوازشريف کړي هغه که عملي کړل شي دافغان ولس لپاره ګټوره ده .
تيره ورځ د دولت او ګلبدين حکمتياردګوند ترمنځ دسولې هوکړه لاس ليک شو داسوله دافغان ولس لپاره يو زيرى دي هغه چا چې کلونه کلونه ېې پرکابل دراکټونو د وشتوامر ورکاوه نن ورځ دسولې لپاره امرکوي او دخوښۍ ځاى خو دادى چې دراکټ پر ځاې قلم استعمال شو.
دحزب اسلامي سره دسولې دهوکړه ليک پرمهال د دولت په نمايندګۍ حنيف اتمر پرطالبانو هم غږ وکړ چې افغان حکومت سره دسولې خبروته کښيني. که په افغانستان کې دجګړې پرځاي دطالبانو سره هم سوله وشي نو بويه چې دافغان ولس بخت به دکلونوکلونو جګړو وروسته راويښ شي خودابخت راويښيدل هم يوهنر غواړي ځکه تراوسه پورې ګلبدين حکمتيار حکومت ته حکومت وايه ځکه دحامدکرزي له دورې راهيسې دسولې هوکړه ليک نه لاس ليک کيده اوس چې يي حکومت ته ملي حکومت ووايه دسولې هوکړه ليک لاس ليک شو.
يوبله ستونزه چې د دولت او ګلبدين حکمتيار دسولې په وړاندي خنډ وه هغه دګلبدين حکمتيار اودګوند دڅوغړو له تورليسته استل وو چې کله ډاکټر عبدالله او اشرف غني ته ډاډ ترلاسه شو نو دسولې دهوکړه ليک په وړاندې خڼدونه هم له منځه ولاړل.
په کابل کي ديوشمير بهرنيوسفارتخونو څخه د دولت او حزب اسلامي دسولې په اړه دخوښۍ راپورونه ترلاسه شوي دي چې دا هم دافغان ولس لپاره يونوى زيرى دى.
خود دولت او حزب اسلامي دګوند ترمنځ دسولې هوکړې دلاس ليک پرمهال په کابل کې دافغانستان دهمبستګۍ ګوند غړو په خپل غبرګون ښودلو سره دکابل ښار په شهرنوکې اعتراضيه غونډه وکړه او دګلبدين حکمتيار په ضدېې شعارونه ورکړل، ياد ګوند د يوه پريکړه ليک په صادرولو، ګلبدین حکمتیار ته د قضايي مصؤنیت د ورکولو پر ځای د هغه د محاکمې غوښتنه وکړه .
څه وخت چې د استاد برهان الدين او حکمتيار ترمنځ دارګ پرسرمخالفت ؤ حکمتيار دننګرهار په قول اردوکې دغرمې د ډوډۍ پرمهال مولوي خالص ته لاس ور اوږدکړ ورته ېې وويل د دوستۍ لاس راکړه خو مولوي خالص لاس ورنه کړورته ېې و ويل ستاسره په مخالفت کې دومره تاوان چانه دى ليدلى څومره چې دى په دوستې کې خلکوته رسولى دى خو حکمتيارصاحب چې په وار وار ېې په جګړو کې تاوانونه کړي دي بياېې د سولې لاره ګټوره بللې ده .
