د اسراییلو پخوانی ولسمشر شیمون ومړ
(کابل ټکی کام ۱۳۹۵ تله ۷) زرغون خوږیاڼی
د اسراییلو پخوانی ولسمشر شیمون پیریز د ورپیښې شوې ناورغۍ له امله تیره شپه په روغتون کې ساه ورکړه.
شیمون دوه اونۍ وړاندې فالج وواهه او د سیمې په یو روغتون کې بستر شوی و، تیره شپه یې د زړه سکته وکړه او د ۹۳ کلونو په عمر مړ شو.
شیمون پیریز درې ځلې د اسرائيلو لومړی وزیر په توګه دنده تر سره کړې ده.
د شیمون د مړینې خبر د اسراییلو رسمي خبري اژانس ورکړی دی.
ویل کیږي چې شیمون د اسراییلو په رامنځته کولو پراخه رول لوبولی دی او د فلسطین په اشغال شوې سیمه کې یې اسراییلو ته ځای ورکړ.
