د عطاء نور ديپلوماتيکو اصولو خلاف حرکتونو ناندرې راپورته کړي
(کابل ټکی کام ۱۳۹۵تله ۲۸) الماس خدرخېل
تېره ورځ د افغانستان اجرائيه رئيس ډاکټر عبدالله او ورسره پلاوی سعودي عرب ته تللي، چې په دې پلاوي کې د بلخ سرپرست والي عطاء نور د ديپلوماتيکو اصولو خلاف حرکتونه کړي.
په دې اړه په ټولنيزو رسنيو کې د فعالانو تر منځ ناندرې راپورته شوي، دوی وايي چې عطاء نور د ديپلوماتيکو اصولو خلاف حرکتونه کړي.
په ټولنيزو رسنيو کې چې د اجرائيه رياست فېسبوکپاڼې خپور کړی او يو شمېر نورو فيسبوکپاڼو هم راخيستی، ښکاري چې اجرائيه رئيس عبدالله عبدالله د سعودي عربستان له پاچا ملک سلمان سره روان دی.
د فسبوک يو فعال محمد العربي ليکلي: (د سـعودي شاهي ماڼۍ هم ورته د ـ ع او غ ـ سپيدار ماڼۍ ښکاريده ، انځور کې ګورۍ چې مالم اتا مامد نور دپروتوکول د نه مراعتولو په وجه څومره سپک کړاى شو).
په همدې تړاو ځينو ټولنيزو رسنيو او يو شمير فعالانو ليکلي او په عکس کې ښکاري، چې د بلخ والي عطاء نور غوښتل چې ځان د پاچا سلمان بل اړخ ته ورسوي، خو د نوموړي د ساتونکو له خوا يې د مخکې تګ مخه نيول شوې او شاته يې ټېله کوي چې د هغه توله ورسره خرابېږي.
بل پلو ځينې فعالان بيا وايي د عطانور له خوا د عينکو په لاس کې نيول يو غير ديپلوماتيک حرکت ګڼلی او وايي، چې افغان سياستوال يې په دې حرکتونو خام معرفي کړي دي.
