طالبان: غزني کې د پولیسو قطعې قومندان امین ووژل شو
(کابل ټکی کام ۱۳۹۵ لړم ۶) زرغون خوږیاڼی
غزني ولایت کې د پولیسو د قطعې قومندان امین د درې نورو پولیسو په ګډون وژل شوی، ویل کیږي چې د قومندان امین ام بي ټانګ په یو ښخ شوي ماین انفجار شوی دی.
طالبانو کابل ټکی کام ته په رالیږل شوي خبر کې ویلي چې غزني کې یې د صفر شپږ قطعې قومندان امین وژلی دی.
طالب ویاند ذبیح الله مجاهد ویلي، چې نن ناوخته د غرني ولایت د شلګر ولسوالۍ په ګندهیر سیمه کې د پولیسو په یو قطار لومړی انفجار او وروسته برید وشو.
د مجاهد په وینا په دې برید کې د قومندان امین په شمول ۳ پولیس ووژل شول او ۴ نور ټپیان شول.
تر دې دمه د ولایت چارواکو څه نه دي ویلي.
