طالبانو(لښکرګاه فتحې ته شیبې شمارې)په نامه نوی اصدار نشر ته وسپاره
طالبانو(لښکرګاه فتحې ته شیبې شمارې)په نامه نوی اصدار نشر ته وسپاره
دا ویډیو چې پیل یې د قرآن کریم په مبارکو آیتونو شوی څو مهمی صحني په کې عکاسي شوي دي
د ویډیو په پیل کې د طالب وسلوالو د تعرضي بریدونو عکاسي شوي چې په معاصرو وسائلو سمبال لیدل کیږي.
په ویډیو کې دا هم ښیې چې طالب وسلوال د هغو شوبلو او رینجرو په واسطه د دولتي ځواکونو پر قرارګاوو او پوستو حملې کوې چې په تیرو جنگونو کې طالب جنګیالیو له امنیتي ځواکونو څخه نیولې دي
د ویډیو بله برخه د هلمند ولایت د قطعاتو عمومي مسؤل ملا مشر اخند سره مرکې ته ځانګړې شوې ده
په مرکه کې له نوموړي څخه د طالبانو د پرمختګ وجه پوښتل کیږي چې ملا مشر یې د دې پوښتنې په ځواب کې د طالبانو د پرمختګ سبب الهي نصرت,له دوی سره د ولس همکاري,او د ولس څنګ په څنګ دریدلو ته منسوب کړ.
د سیاسي شنونکو په اند د طالبانو د پرمختګ علت له دوی سره د هغو وسائلو شتون بولي چې په وروستیو کې له افغان حکومت څخه طالبانو ته په لاس ورغلي دي
