هرات: ترافيکي پېښه کې ۹ تنه وژل شوي دي
(کابل ټکی کام ۱۳۹۵لړم ۱۶) الماس خدرخېل
پېښه د هرات – ادرسکن ولسوالۍ په لويه لاره رامنځته شوې ۹ تنه ملکي وګړي پکې وژل شوي او يو تن بل سخت ټپي دی.
د هرات د والي وياند جيلاني فرهاد رسنيو ته ويلي، چې ټکر د کرولا ډوله موټر او د يو بار وړونکي موټر تر منځ شوی.
هغه همداراز وويل، چې په وژل شوو کې دوه تنه ښځې هم شته.
د پېښې ځای ته ترافيک پوليس رسېدلي تر څو معلومه کړي، چې ټکر د څه شي له امله رامنځته شوی دی.
د هرات د روغتون چارواکو رسنيو ته وويل، چې د پېښې ټول قربانيان يې دغې روغتون ته ور وړي دي.
