طالبان وايي، د روزګان مرکز (شفخاک) سیمه باندې یې واک ترلاسه کړی

کابل ټکی کام ۱۷لړم/۱۳۹۵، احمدالله مهاجر

د روزګان ولایت د مرکز ترینکوټ مهمه نقطه (شفخاک) د طالبانو لاسته لوېدلې ده.

د طالبانو له لورې په خپره شوې خبرپاڼه کې راغلي دي، چې د دوی جنګیالیو بېګاه شپه د سختې جګړې په ترڅ کې پر یاده سیمه خپل کنټرول ترلاسه کړی دی.

طالبان وايي، چې مقابل جانب ته یې درنده مرګ ژوبله اړولې ده.

خبرپاڼه زیاتوي، چې لا هم د ۲ تنو وژل شویو عسکرو جسدونه د جګړې په ډګر پاتې دي.

خبرپاڼې کښلي دي، چې د یادې سیمې په نیولو سره یې ګڼ شمېر وسلې او نور پوځي مهمات ترلاسه کړي دي.