بلخ: يو تن د خپلې کورنۍ ۴ تنه ښځې وژلي دي
(کابل ټکی کام ۱۳۹۵لړم ۱۷) الماس خدرخېل
د بلخ ولايت په بلخ ولسوالۍ کې يو تن د خپل کور څلور تنه غړي چې ټولې ښځې دي وژلي دي.
د بلخ د امنيه قومندانۍ امر عبدالرزاق قادري وايي، چې يو تن د سلاح په وسيله د خپلې کورنې ټول غړي ووژل.
هغه وويل، پېښه نيمه شپه د يادې ولسوالۍ په پلاس پوس سيمه کې رامنځته شوې ده.
د بلخ د امنيت امر وايي وايي چې قاتل د دوه نورو کسانو په شمول کور ته د ننه شوی او په ګرمه سلاح سره يې ډزې کړي ۴ تنه ښځې يې وژلي او خپله له سيمې څخه تښتېدلي دي.
د وژل شويو مړي د بلخ روغتون ته انتقال شوي او د قاتليو پلټنه روانه ده.
په دې وروستيو کې په افغانستان کې دا ډول پېښې زياتې شوي، چې د پېښو څارونکي په افغانستان کې تېر څوارلس کلونه د کورنۍ شخړو تر ټولو خونړي کلونه ګڼي.
