ليک : احمديوسف سالارزی
(په تیر پسی )
دکندوز دښاريانو هيله وه چې دولت به دوژل شوو،ژوبل شوو،بې کوره شويو سره مرسته وکړي .
پلاوي په کندوز کې ملمستيا تېره کړه ،دځوريدلي او ازبکيانو له لاسه چور ولس نه پټ کابل ته پلاوی راورسيد.
له دې دولت خو دافغانستان دکرکټ بورډ هم ښه دی ،وايي:په کابل کرکټ نړيوال لوبغاړي به دلوبې پرمهال کندوز ښاريانو ته دمرستې صندقونه ځای پرځای کړي او دکابل له ښاريانو به ورته مرسته وغواړي .
ايا افغان ولس به له دې بې کمزوري دريځ لرونکي دولت نه نوره څه هېله ولري؟
دافغان دولت بله کمزوري او پڅ دريځ دا دی چې تېره ورځ له پاکستان دصدراعظم ددې وينا په ځواب کې چې پاکستان چمتو دی ،دافغان دولت او طالبانوترمنځ مذاکراتو ته بيا لاره هواره کړي.
داجراييه رئيس غبرګون دا و ،چې ترڅو پاکستان دطالبانو له تمويل او تجهيز لاس وانخلي له طالبانوسره خبرې نه کوو.
خو که پاکستان دطالبانو دتمويل او تجهيزه لاس واخلي بيا دپاکستان دهلو ځلو هرکلی کوو.دېته وايي کمزوري او پڅ دريځ.
طالبان وايي :ترڅو ټول امريکايي عسکر له هېواده وتلي نه وي،څوک دومره نر شته چې ټوپک زما له اوږې ښکته کړي؟
دېته وايي سخت او توند دريځ .
زه دخپل اسلاميت اوافغانيت له مخې دطالبانو مشرانو پولادي دريځ ته چې داسلام دښمنه امريکا او کفري ملګرو په مقابل کې يې نيولی ،درناوی کوم ،ستاينه يې کوم ،په افغانيت يې وياړم.
کفري نړۍ ته يې دافغان پېژندنې په نوم يې وياړم ،دافغانانو دافتخاراتو په لاس ته راوړلو يې وياړو،خو خدای مکړه دتېر په څېر دتش په نامه جهادي مشرانو لوبه تکرار نشي ،چې دکمونيستي رژيم وروستی غلام ډاکټر نجيب دملي پخلاينې په مقابل کې يې په پاکستان کې په زور له کېمپونو افغانان کډوال په سرو وينوکې راټول او يوې لويې غونډې په وړاندې يې دلاسونو په پورته کولو دنه پخلاينې قسم ورته ورکړ.خو په افسوس سره بيا په ۹۸۹م کې دروسانو سره دځينو په موافقه پرديو چې يو افغان مشر هم پکې نه و،لاسليک وشو .هغه افغان کډوالو چې دتش په نامه جهادي مشرانو ورته دنه پخلاينې قسم ورکړی و مجبورا افغانستان ته دستنيدا لار ونيوله چې په کعبه او پاکستان کې قسم خوړونکيو جهاديانو داقتدار لباره په کابل کې دکمونستي رژيم دوزيرانو نورو غړيو سره چې لاسونه يې دمجاهدينو په وينو سره وو،ګډ حکومت جوړ کړ .دافغان مجاهد ولس پريتيمانو دکمونستي رژیم قاضيانو اوجنرالانو حکومت پېل کړ ،هغه قاتلان چې دشهيدانو پوښتنه له دوی شوې وای بيا دشهيدانو په اولادونو حاکمان شول .
که خدای مکړه طالب مشرانو باندې هاغه لوبه تکرار شي ددې پولادي دريځ نيولي طالب مشران به خدای مکړه دتش په نامه جهادي مشرانو په څېر چې ځانونه يې دقتدار لپاره دکمونيستي نظر سره يو ځای کړل دوی به هم دشهيدانو داولادونو او دکونډو پروړاندې بې ځوابه وي چې هغه مهال به بيا دافغان ولس لپاره ديوې بلې قربانۍ داهدافو دلاسه په ورکولو وير کوو.
دافغانانو تاريخ ژوندی دی ،محمدافضل خان امير شيرعلي خان،اميرعبدالرحمن خان ،شازمان او شاه اشرف دافغانانو مشري کړې ده ،دهربادشاه او حاکم کړنې تاريخ ليکل شوی ،چې امير دولت محمدخان عطاء په وژنو ختم نکړل هېڅوک او هېڅ پاچا يې نشي ختوالی .
په افغانستان کې بيا هم دحق غوښتونکي علماءوجود لري.
خدای مکړه بيا لکه داوس په څېر دمجاهد او شهيد پال ولس په سر دکمونستي دورې غړي دکورنيو چارو او قاضی القضات په څېر حاکمان نشي .
که دولت او طالبان مشران اسلامي نړۍ
((ois
په ځانګړې توګه له عربي شيخانو او ګاونډيانو تمه لري چې دافغانستان په مسئله کې به دپخلاينې او سولې لپاره دخير قدم پورته کړي ،دا تمه بې ځایه ده ؛دوی تراوسه پورې يوازې ويناوې کوي هيڅ اخلاص نلري ،که يې رښتينی اخلاص لرلی ثابت به وای .
غوره داده چې دخپل جګړو ځپلي ولس په خاطر يوه بين الافغاني غونډه جوړه او ديو بل سره په ښه نيت سوله وکړي.
افغانان چې سره خپلو کې جنګېږي
خپل پردي دواړه په ګډه ورته ناڅي
