پروان: د ۵۲ ميليونه افغانيو په لګښت د برېښنا يوه پروژه بشپړه شوه
(کابل ټکی کام ۱۳۹۵ لړم ۲۷) الماس خدرخیل
د پروان ولايت په مرکز چاريکارو کې د برېښنا يوه پروژه بشپړه او ګټې اخيستنې ته وسپارل شوه.
ويل کېږي، له دې برېښنا يي پروژې له لارې به ۲۴۰۰ کورنيو ته برېښنا ورکول شي.
د شمالي حوزې د برېښنا شرکت رئيس غلام صديقي وايي، چې د برېښنا په دې پروژه ۵۲ ميليونه افغانۍ لګښت راغلی، چې ټول لګښت يې د افغانستان د برېښنا شرکت له خوا ورکول شوی دی.
نوموړی زياتوي، چې د يادې پروژې عملي کار د پروان د برېښنا شرکت او د برق د ساختماني چارو په همکارۍ ترسره شوی دی.
د یادونې ده، چې دغه پروژه د پروان مرکز چاریکار اړوند یوولسمې او دیارلسمې ناحيې ته چې پخوا یې برېښنا نه لرله، برېښنا ورکوي.
