لاروی
داسې فکر کیږي چې لمر د ورځې لخوا ټوله نړۍ روښانه کوي او چې کله لمر لویدیز لوري ته پریوزي توره تیاره شي. یو شمیر ستورو پیژوندونکو کلونه وړاندې نظر ورکړی و، چې بې له لمره هم د شپې لخوا یو څه مځکه روښانه وي که په آسمان کې وریځ نه وي نو د مځکې پر مخ د روښانتیا احساس کیدای شي.
ستوري پیژندونکو داهم ویلي دي، چې له لمر علاوه ستوري او د آسمان آبې(اوبه مخې) رنګ هم ځمکې یا مځکې ته روښنايي ورکوي؛ خو د لمر په پرتله یې سلنه ډیره کمه ده.
ساینس پوهانو دا په اثبات رسولې، چې د دوبي په موسم لمر زیات روښانه وي؛ خو ځمکې ته په ژمي او دوبي کې یوه اندازه روښنایي ورکوي توپیر یې یواځې په ګرموالي کې دی؛ خو د دوبي په پرتله بیا د آسمان د ستورو روښنايي زیاته محسوسیږي. بله داچې د ورځې لخوا لمر په هوا کې ګرځیدونکې زرې سره جدا کوي یو تربله سره فاصله ورکوي او د شپې لخوا همدا زرې سره نږدې وي، ځکه خو د ورځې په پرتله د شپې اواز ښه اوریدل کیږي.
دا به یوه لویه تیروتنه وي چې وویل شی یواځې لمر ځمکه روښانه کوي. د انسان د پوستکي د رنګ په بدلون کې د اسمان رنګ او ستوري هم برخه لري خو ستوري بیا د انسان پوستکي ته سور رنګ نه شي ورکولای، لمر دی چې د ساه لرونکو رنګ تور او د بې ساو رنګ سپینوی.
یو شمیر ساینسپوهان بیا وایي، چې د انسان د پوستکي د رنګ په بدلون کې یو سلنه سوروالی د ستورو هم دی، نور په هر بې ساه او سالرونکي کې لمر اثر لري. که یو انسان څو میاشتي لمر ونه ګوري، په مخ او نوربدن کې یې سپینوالی پیدا کیږي او که په غرمو وګرځي سپین رنګ به یې تورشي.
د استرا لیا د ساینسپوهانو یوه څیړنیزه ډله وایي، لمر چې ځمکې ته رارسیږي میلیونونه سلنه یې ګرموالی کمیږي، په دې هم قانع دي چې څومره لمر ته انسان اړتیالري هومره ګرموالی او روښنایي ورکوي.
ساینسپوهانو د تلسکوپونو په وسیله د خپلو څیړنو له مخې ثابته کړې ده، ځمکې ته چې کوم شینوالی ورکړل شوی دی په دې کې زیاته برخه د اسمان د خپل رنګ ده.
د تلسکوبونو له تجربو دا په لاس راځي، چې لمر ځمکې ته په میلیونونه رنګینې وړانګې ورکوي؛ خو په سترګو اوه او یا تر اوو رنګونو زیاتې نه ښکاري.
د انسان په ژوند کې لمر لومړې درجه رول لري. که لمر نه وي نو ډیر څه به نه وي، ځکه خو د هر ساه لرونکي ژوند له اوبو او لمر سره تړلی دی.
که یو میوه لرونکی بوټی اوبه هم ولري خو چې لمر ورته ونه رسیږي، نه میوه او نه وده کوي او که د ستورو اواسمان روښنایي د لمر سره نه وي بیا هم یواځې له لمره هغه څه نه شي ترلاسه کیدای کوم چې انسان ورته اړتیالري.
