(کابل ټکی کام ۱۳۹۵ لیندۍ ۲۵) الماس خدرخیل
د پاکستان پوځ په يوې مطبوعاتي خبرپاڼه کې ويلي دي، چې پاکستان د کروز ٢ منځني واټن «بابرتوغندي» بريالۍ کامیابه ازموينه ترسره کړې ده.
د پوځ له خوا په ياده خبرپاڼه کې ويل شوي، چې دغه توغندى په ځمکې او سمندر کې ٧٠٠ کلو ميټره لرې موخه په نښه او ويشتلى شي.
دوی زياتوي، چې د منځني واټن لرونکی دغه توغندی په ډيره ټيټه ارتفاع کې د هر ډول سرګلولو د انتقال ظرفيت لري.
د پاکستان لوی درستير جنرال زبير حيات د توغندي د ازمايلو پر مهال د بابر توغندي جوړولو انجینران وستايل او زياته يې کړه، چې دا توغندی تر لوړې کچې دوی ته مهم دی.
په اعلاميه کې دانه دي ويل شوي چې د توغنديو دغه ازموينه چيرې تر سره شوې ده .
