(کابل ټکی کام ۱۳۹۵ مرغومی ۳) زرغون خوږیاڼی
داعش وسله والې ډلې د عراق په الباب ښار کې دوه ترکي ژوندي عسکر سوځولي دي.
داعش وسله والو د ترکي عسکرو د سوځولو ویډیو هم نشر کړې ده، ترکي رسنیو په دې اړه څه نه دي ویلي خو ددې ویډيو له نشرولو وروسته یې په ترکیه ټولنیزې رسنۍ بندې کړي دي.
داعش وسله والو ویلي، چې دغه ترکي عسکر یې د عراق د الباب ښار په ادانا کلي کې د یو کمین په ترڅ کې نیولي دي.
بلخوا ترکي چارواکو الجزیرې ته ویلي، چې د تیر نومبر په ۲۹ نیټه یې له دوه ترکي پوځیانو سره تماس قطع شوی و، خو تر اوسه د ترکیې رسمي سرچینو نه ده تائید کړې چې سوځول شوي عکسر هماغه ترکي پوځیان دي که نه.
څو ورځې وړاندې ترکي رسنیو ویلي وو،چې د الباب په ښار کې د داعش وسله والې ډلې سره په جګړه کې ۱۴ ترکي عسکر وژل شوي او ۳۳ نور ټپیان شوي دي.
