په کابل کې زورواکي ځمکې غصبه وي
(کابل ټکی کام ۱۳۹۵ مرغومی ۱۶) صابر خپلواک
د احمدشاه بابا مینې اوسیدونکي چې د کابل د دولسمې ناحیې اړوند سیمه ده شکایت کوي چې د دوی شخصي ملکیتونه او ځمکې د پارلمان غړي، زورواکي او قومندانان غصبه وي. که څه هم د نوموړې مینې اوسیدونکي د ډار له وجهې د جا نوم نه شوی اخیستی خو د کابل ټکی کام خبریال د نوموړې مینې له یوه وکیل حاجي ابراهیم سره خبرې کړې او هغه زیاته کړه چې د پارلمان د نماینده مولوی تره خیل یو وروردوی ګواښلي او په ځمکه کې یې د شپې لخوا کانتینرونه ایښي دي او په خپله ځمکه کې یې له کار کولو منعه کړي دي د یادولو دا ستونزې د مینې یو بل وکیل حاجي خلیل هم تایید کړې دي.
د یادولو وړ ده چې په کابل کې د شاروالی د مسؤلینو په وینا زورواکو په زرګونو جریبه ځمکې غصب کړې او عام وګړي یې له زیاتو ستونزو سره مخ کړي دي.
