افغان پوځ: په تېرو ۴۸ساعتونو کې ۱۹ تنه افغان پوځيان وژل شوي دي
کابل ټکی کام ۰۳عقرب/۱۳۹۴
احمدالله مهاجر
د افغان پوځ په یوه خپره کړې خبرپاڼه کې راغلي دي چې د هېواد په مختلفو سیمو کې د عملیاتو پر مهال په تېرو ۴۸ساعتونو کې د دوی ۱۹تنه جنګیالي وژل شوي دي.
خبر پاڼه کې راغلي دي چې یاد وژل شوي پوځیان د طالب جنګیالیو په مخامخ نښتو او په بمي چاودنو کې وژل شوي دي.
د دې ترڅنګ افغان دولت پخپله خپره شوې خبرپاڼه کې ادعاء کوي چې د هېواد په ګڼ شمېر سیمو کې د عملیاتو پر مهال ۱۹۷ تنه طالب جنګیالي هم وژل شوي دي، او ۷۰ تنه نور ټپیان شوي او ۱۶ تنه یې ژوندي نیول شوي دي.
