(کابل ټکی کام ۱۳۹۵ سلواغه ۲ ) الماس خدرخیل
د بلخ ولايتي چارواکي وايي، چې تېره ورځ د بز کشۍ په يوه ميدان کې چاودنې ۲ تنه وژلي او درې تنه نور ټپيان دي.
د دغه ولايت د والي وياند منير فرهاد رسنيو ته وويل چې چاودنه په موټرسايکل کې د يو ځاي پرځاي شوي ماين له امله رامنځته شوه، او دوه تنه يې ووژل.
نوموړي وويل، دا پېښه داسې مهال رامنځته شوه، چې د محلي پوليسو د يو قومندان په موټر هم په تاشقرغان کې يوه چاودنه وشوه چې نوموړی قومندان او دوه ساتونکي يې ووژل شول.
د هغه په وينا په دې چاودنه کې درې تنه ملکي کسان هم زخميان شوي دي.
فرهاد زياته کړه، چې چاودنې وروسته له هغې رامنځته شوې، کله چې خلک د بزکشۍ له ميدان نه په وتلو کې شول.
د بلخ چارواکي وايي د هغې چاودنې په باب يې څېړنې پيل کړي چې په نتيجه کې يې پرون د ولسي پاڅون يو قوماندان (زمری) له خپل ساتونکي سره ووژل شو.
په اربکي قومندان زمري باندې د چاودنې مسؤليت وسلوالو طالبانو په غاړه اخيستی او په يوه خبرپاڼه کې يې ويلي، چې نوموړی يې د يو ځای پرځای شوي ماين په واسطه له خپلو درې ساتونکو سره له منځه وړی دی.
