( کابل ټکی کام ۱۳۹۵ سلواغه ۲ ) الماس خدرخیل
د پاکستان د کرمې ايجنسۍ د پاړه چنار له ګڼې ګوڼې په ډک يوه بازار کې چاودنه شوې، چې پکې لږ ترلږه ۱۹ تنه وژل شوي او ۴۰ تنه نور ټپيان دي.
چاودنې د پاکستان د پاړه چنار شمال غرب په مرکزي ښار کې رامنځته شوي دي.
ټپيان د کرم ايجنسۍ نږدې روغتونونو ته د تداوۍ په موخه وړل شوي دي.
په کرمه ايجنسۍ کې يې شيعه وګړي زيات اوسېږي، چې د ۲۰۱۳ م کال په نيمايي کې په دغه سيمه کې د شيعه ګانو په ګڼه ګوڼه کې دوه پرلپسې چاودنې وشوې او د ۱۸۳ کسانو د ټپي کېدلو په ګډون پکې ۵۰ تنه ووژل شول.
د پاکستان امنیتي چارواکي وايي،چاودنه نن سهار د پاړه چینار د سبزۍ او تازه مېوې په یوه مارکېټ کې شوې ده.
د امنیتي چارواکو په وینا دغه چاودنه په سیمه کې د ځای پر ځای شوو چاودېدونکو توکو له امله رامنځ ته شوې ده.
تر دې دمه د چاودنې مسئوليت کومې ډلې په غاړه نه دی اخيستی.
