ايټاليا: د بس د ټکر له امله ۱۶ کسان وژل شوي
(کابل ټکی کام ۱۳۹۵ سلواغه ۲) الماس خدرخیل
د ايټاليا په شمالي ويرونيا کې د زده کوونکو لېږدوونکی بس موټر ټکر شوی اور يې اخيستی، چې له امله يې ۱۶ تنه وژل شوي دي.
د چاراکو په وينا بس موټر کې د سکول کوچني ماشومان له هنګري بوداپست نه فرانسې ته لېږدول کېدل، چې په لاره يې له يوه څلي سره ټکر کړی او پېښه رامنځته شوې ده.
د دغه هېواد د اور وژنې اداره وايي، چې په پېښه کې ۳۹ تنه نور ټپيان دي.
د ايټاليا خبري اژانس انسا ويلي، چې د دغه زده کوونکو عمرونه تر ۱۴ او ۱۵ کلونو تر منځ و، لس ماشومان په روغتون کې دي او روغتيايي حالت يې د اندېښنې وړ ښودل شوی، سخت سوځېدلي دي.
چارواکي وايي، د مړو شمير له دې هم ډېريدلی شي.
