(کابل ټکی کام : چهارشنبه ( ١٣٩٤ لړم ٢٠/ ٢٠١٥ م نومبر ١١)
د طالبانو اسلامي غورځنګ ویاند ښاغلي ذبیح الله مجاهد د یوې خبري اعلاميې په ترڅ کې ويلي دي، چې ددوي وسلوالو ځواکونو بیګاه شپه د سنګين ولسوالۍ بازار دکندهار آډې په سیمه کې د افغان امنیتي ځواکونو په ۲پوستو باندې وسلوال بريد ترسره کړی، چې په پایله کې يي دواړې پوستې په بشپړه توګه ونيولې او ګڼ شمېر وسلې او مهمات يي پريښې دي .
د مجاهد په وینا په یاده جګړه کې له سپکو اودرنو وسلو کار واخستل شو له لږ مقاومت وروسته افغان ځواکونه له دواړو پوستو د تېښتې لاره غوره کړه او پوستې يي پرېښودلې .
او دغه راز دشپې ۱۲ بجې دیادي ولسوالۍ اړوند د چیني مانده په سیمه کې هم د پولیسو په ۲ پوستو د طالبانو وسلوال بریدونه ترسره شول، چې په پایله کې یې یوه پوسته طالبانو ونيوله، او دروند ځاني او مالي زیان يي افغان پولیسو ته اړولی او د ۵ تنو عکرو مړي اوس هم د جګړې په ډګر کې پاتي دي .
طالبانو د خپلو تلفاتو په اړه ويلي دي د دوي ټول ملګري چې د تېرې شپې په جګړه کې يي برخه اخیستې وه جوړاو روغ دي .
بدرالدین ځواک
