ميدان وردګ کې د نرخ څارنوال او ۵ پوليس وژل شوي
(کابل ټکی کام ۱۳۹۶غبرګولی ۲۳) الماس خدرخېل
د ميدان وردګ ولايت په مرکز کې د پرلپسې دوه غبرګول چاودنو له امله پنځه پوليس وژل شوي او يو بل ټپي دی.
يوې ځايي امنيتي سرچينې کابل ټکی کام ته وويل، چاودنې د مرکز اړوند چهارباغ سيمه کې په پوليسو شوي او مرګ ژوبله يې اړولې ده.
په عين حال کې د دغه ولايت امنيتي سرچينو خبر ورکړی، چې تېره ورځ ناوخته د وسله والو په بريد کې د نرخ ولسوالۍ د څارنوالۍ رئيس وژل شوی دی.
د سرچينې په وينا نوموړی باندې تېره ورځ د افغانانو په سیمه کې وسله والو بريد وکړ او ځاي پر ځای ووژل شو.
تر اوسه د دولت رسمي سرچينو په دې اړه رسنيو ته څه نه دي ويلي.
بل پلو د دواړو بريدونو مسئوليت وسله والو طالبانو په غاړه اخيستی دی.
