د غور ولایت د ولایتي شورا رئیس فضل الحق احسان وایې: چې داعشي ملیشو غوښتل چې له یوه ځای څخه بل ځای ته د وسلو انتقال وکړي چې پدې چاره کې یې د سیمې خلکو ته په زور د وسلو د لیږد امر کړی دسیمې خلکو چې د دوی غوښتنه نده منلې نو یې په هغوی ډزې کړې د نوموړي له قوله په پېښه کې ۱۷ ملکیان د داعش جنګیالیو له خوا وژل شوي دي.
آخوا د غور والي غلام ناصر خاضع د یادې پیښې په تائید سره ویلي چې د داعش جنګیالیو اته عام خلک د فیروز کوه ښار شمال ته په مرغاب سیمه کې په ډزو وژلي دي.
ځینې رسنۍ له دې تاوتریخوالي وروسته د داعشي ملیشو او سیمیزو طالبانو تر منځ د خونړۍ جګړې خبر ورکړی خو تر اوسه د یادې جګړې جزیات ندي په ډاګه شوي.
دا پداسې حال کې ده چې څو ورځې مخکې راپورونه خپاره شو چې د جوزجان او غور ولایاتو کې دولتي الوتکو داعشي ملیشو ته په صندوقونو کې وسلې ښکته کړې دي. چې بیا د امنیې قوماندان یاده پیښه یوه تیروتنه وبلله
