د اختر په لومړۍ ورځ امریکایانو د یوې کورنۍ ټول غړي شهیدان کړل
د اختر په لومړۍ ورځ، د ننګرهار ولایت په اچین ولسوالۍ کې امریکايي الوتکو بمبار کړی چې په پایله کې یې د ښځو او ماشومانو په ګډون د یوې کورنۍ ټول غړي شهیدان شوي دي.
یاده پېښه د ننګرهار ولایت د اچین ولسوالۍ په پیخه تنګي سیمه کې رامنځته شوې ده.
په ټولنیزو رسنیو کې خپاره شويو انځورونو کې لیدل کېږي چې د شهید شویو ماشومانو پر تنکیو لاسونو اوس هم لا نکریزي شته.
د تل په څېر، حکومت پر یاده پېښه هم چوپتیا غوره کړې ده او هېڅ یې نه دي ویلي.
