د الجزیرة نه په مننې
ژباړه : عزیر اسدخیل
د ملګرو ملتونو د غذا او زراعت تنظیم ( فاو) ویلي دی چی نږدي ۳.۵ ملیونه جلا وطنه عراقیان د غذائی مصؤنیت سره لاس او ګریوان دي، تنظیم ټینګار کوي [ې د موصل لویدیځ ته پرتې کورنۍ د خوراک د کمښت په کړاو اخته دي.
په عراق کې د دغه تنظیم رئیس فاضل الرغبي د الأناضول خبري اژانس سره په خپلو خبرو کې پرون یکشنبه ټینګار وکړ چی نږدې ۳.۵ ملیونه بې کوره شوي انسانان د غذائی مصؤنیت له ناورین سره مخ دي. برسیره پر دې درې ملیونه نور هم خپلو دغو سیمو ته بیرته په لاره دي، چې د اسلامي تنظیم دولت له سیمو نه راګرځول شوي او همدا راز دوه نیم سوه زره نور سوریایی مهاجرین هم په عراق کې ربړیږي.
الزغبي په اشارې سره وویل چې دغو کورنیو ته د غذایی موادو د سختۍ له کبله دغه کورنۍ اوس هم په هغو سیمو کې دي چې د اسلامي دولت لخوا په ولکه کې دي، او زیاته یې کړه چې د ملګرو ملتونو تنظیمونه هڅه کوي چې دغه کورنۍ بیرته ویجاړې شوې قنوات الري سمیې ته چې د موصل په قضائی البعاج او ربیعة کي موقعیت لري بیرته وګرځوي څو خپل کښت او کرهڼه بیرته له سره پیل کړي او خپلو ځمکو کې کار وکړي څو د غذائي مصؤنیت په موخه حاصلات ترلاسه کړي.
جلا وطنه او بې کوره شوي دغه انسانان له هغه مهاله په ډیر سخت وضعیت کې ژوند کوي،چې په ملیونو شمیر سره د اسلامي تنظیم له ولکې نه وروسته په خپلو سیمو کې د خپلو کورنو پریښودو ته په کال ۲۰۱۴ د جولای په میاشت کې اړ کړای شول،
خو په تیر اکتوبر میاشت کې د عراقي ځواکونو په یوه نظامي برید کې عراقي فوځیانو وکولای شول چې د دغه ښار ختیځ پلو نیمه سیمه بیرته لاس ته راوړي، او د فرورۍ په ۱۹ یې د دغه ښار په لویدیځه سیمه هم برید وکړ چې جګړه تر اوسه هم روانه ده.
