موصل: داعشي ملیشو شاوخوا ۲۰۰ ترکمن اسیران وژلي

د ټي آر ټي آژانس د راپور له مخې د موصل ښار د ولایتي شورا مرستیال نورالدین کپلان رسنیو ته ویلي چې شاوخوا ۲۰۰ ترکمنان هغه وخت د داعشي اورپکو لاس ته ورغلل چې دسختو جګړو له ویرې د موصل ښار د تلعفر له سیمې څخه د تیښتې په حال کې ؤ.

نوموړی وایي: داعشیانو له دوه میاشتني قید وروسته ټول په ډلییز ډول له تیغه تیر کړل چې لسګونه ښځې اوماشومان هم پکې ؤ.
د عراق امنیتي چارواکي وایي چې داعشي اورپکو د څو میاشتو راهیسې په تلعفر ولسوالۍ کې د ملکي خلکو په کورونو کې خپل نظامي مراکز جوړ کړي، چې د عسکرو په وړاندې د سپر په توګه ورڅخه کار اخلي.

داعش د ملکیانو پدې عام وژنه تر اوسه کوم غبرګون ندی ښوودلی.
د یادونې وړ ده چې د موصل اکثریت برخې اوس دعراق امنیتي ځواکونو نیولې خو ویل کیږي داعشي ملیشې د تلعفر په نامه ښار کې چې ډیری اوسیدونکي یې ترکمنان دي اوس هم ځینې خوندي مراکز لري.

فرید افغان