د اروزګان ولایت د مرکز ترینکوټ اوسیدونکو له رسنیو سره په خبرو کې ویلي چې سیمې ته د عملیاتو په بهانه راغلو چورلکو د یو کلیوال کور په نښه کړی چې کور په ټولیز ډول نړیدلی څلور ښځې وژل شوې او یوه هم ټپی ده.
بلخوا د اروزګان د ولايتي روغتون يوه ډاکټر ضياءالرحمن، ويلي چې روغتون ته يې نن د مهراباد له سيمې څخه پنځه ښځې ور وړل شوي، چې څلورو يې ساه ورکړې وه او يوه ټپي ده.
د اروزګان ځایي چارواکو په دې هکله تر اوسه څه ندي ویلي.
دا پداسې حال کې ده چې په دې وروستیو کې د افغان او بهرنیو ځواکونو لخوا په ملکي وګړو بریدونه بې مخینې ډیر شوي چې نه یې افغان دولت او نه هم نړیوالې بشري ټولنې په هکله کوم غبرګون ښوودلی.
د یادونې وړ ده چې امریکایي سرتیرو په ځلونو رسنیو ته په ملکيانو د برید پخلی کړی ، تیره ورځ هم یو بهرني سرتیري ادعا کړې وه چې په افغانستان کې یې د طالبانو په نوم په لوی لاس ملکي وګړي وژل او خوند یې ترې اخیست
