د پاکستان ځایي چارواکو رسنیو ته ویلي چې په دې وروستیو کې د سختو اورښتونو له امله خلکو ته درانده مالي او ځاني زیانونه رسیدلي.
لمړني راپورونه وایي چې سیلابونو شاوخوا ۷۰ کسان وژلي، او ۱۱۰ تنه نور ټپیان دي.
وژل شوي کسان ۱۱ تنه په خيبر پښتونخوا آیالت کې ثبت شوي ۶ تنه دسیند صوبې اړوند دي، ۱۸ تنه د بلوچستان او ۳۰ تنه په پنجاب کې د مرګ کومې ته رسیدلي.
له دې سره یو تن کشمیر کې او څلور تنه په قبایلي علاقو کې سیلابونو وژلي دي.
د پاکستان دقدرتي افتونو پر وخت د انتظاماتو کولو ادارې ویلي چې په دې بارانونو او سېلابونو کې تر اوسه لږ تر لږه ۹۲ کورونه هم وران شوي چې زیاتره په خیبر پښتونخوا او کشمیر کې دي.
د هوا پیژندنې ادارو خبرداری ورکړی چې راتلونکو څو ورځو کې به د پاکستان په مختلفو سیمو کې اورښتونه ډیر شي چې له کبله یې ښایي ډیر مالي او ځاني زیانونه واوړي.
به وروستیو کلونو کې هر کال د دوبي په موسم کې د پاکستان مختلفې سیمې د سختو اورښتونو او توندو سیلابونو له امله درانده زیانونه ګالي.
