کابل :لسګونو دولتي کارمندانو ته مرګ ژوبله اوښتې ده
د کورنیو چارو وزارت ویاند نجیب دانش رسنیو ته ویلي چې د کابل په چاودنه کې شاوخوا ۲۴ تنه وژل شوي، او ۴۲ تنه ټپیان دي.
د کابل له امنیې قوماندانۍ څخه سرچینو بیا رسنیو ته څرګنده کړې چې چاودنه د معادن وزارت په کارمندانو چې په یو کاسټر موټر کې انتقالیدل شوې، چې شاوخوا ۳۵ تنه کارمندان پکې وژل شوي، او ۵۰ تنه ټپیان دي.
طالب ویاند ذبیح الله مجاهد کابل ټکي کام په استول شوې خبر پاڼه کې د پیښې مسؤلیت منلی او ویلي یې دي چې د دوی یو سرتیري
د مجاهد احمد په نوم د کرولا موټر په توسط د کابل د چهل او نود ریاستونو دوه کاسټر موټر په نښه کړي
چې په ترڅ کې یې ۳۷ استخباراتي کسان وژل شوي او ګڼ نور ټپیان دي.
طالبانو ویلي چې د برید هدف او موخه همدا کسان ول او د دوی سرتیری بریدګر خپل برید ته په رسیدو کې بریالی شوی دی.
د یادونې وړ ده چې په یادو ریاستونو کې د بندیانو سره له زور زیاتي ډک چلند کیږي اود مستنطقینو په برخه کې اکثره پخواني خادي کمونستان یا دهغو لخوا روزل شوي ظالمې او وحشي څيرې را ټولې شوي چې مظلوم او بې جرمه بندیانو ته له شکنجو نیولې تر ډول ډول تعذیبونو پورې ورکوي.
