ريښتني مشران

لیکنه:عطاءالله مبارز
دتاریخ په اوږدو کې دحق او باطل تر مینځ سختې معرکې شوی دی.
له هر لوری بې شمېره انسانانو وهل، ټکول، تعذیب او ان وژل ګاللی، خو توپیر دومره دی چې دحق داعیان او امیران تل د قربانۍ او ایثار په میدان کې په لومړی صف کې وی او هر ډول قربانۍ ته تیار وی، خو باطل ته بلونکو تل دخپل واک او منصب دبقا له پاره د استخدام فارمول کارولی دی.
د حق ستر داعی حضرت ابراهیم علیه السلام په دې سپېڅلې لار کې اور ته لوېدل په ورین تندی وزغمل.
موسی علیه السلام هم دحق په سر سخت تکلیفونه وګالل او آن جلاوطنی یې هم وزغمله.
طالوت له لږ لښکر سره دجالوت دستر لښکر په وړاندې مېړانه وښوده.
د احد په معرکه کې دبشریت د ستر لارښود او پېشوا حضرت محمد صلی الله علیه وسلم غاښونه او ګران تره حضرت حمزه رضی الله عنه دحق له پاره شهیدان شول.
دهجرت په سخت او له کړاونو ډک سفرکې ابوبکر صدیق رضی الله عنه خپل ځان او اولادونه عبدالله او اسماء رضی الله عنهما دحق له پاره ستر خطرته واچول.
داسلامی امت معاصرو مشرانو هم په همدې مبارک پل په پل ایښودو سره تل خپل ځانونه او دکورنۍ غړی قربانۍ ته وړاندې کړی دی.
د دوو جهادونو سالار شیخ جلال الدین حقانی حفظه الله دحق له پاره څو زامن قربانی کړی او لاهم دمعرکې په لومړی صف کې دی.
او دا دی اوس داسلامی امارت دزعیم شیخ هبةالله حفظه الله زوی حافظ عبدالرحمن خالد تقبله الله د حق له پاره ځان نذرانه کړ او د خپل پلارنوم یې درښتنو مشرانو نوملړته ورپورته کړ.
او دغرب له لوری داستخدام شویو رسنیو هغه 16كلنه خواری یې په اوبو یوړه چې دعامه ذهنتونو داړولو له پاره به یې تل همدا ډنډورې غږولې چې دمجاهدینومشران له خپلو کورنیوسره په راحت ژوند تېروی اوپردی زامن جګړې ته لیږی.