روسیې په امریکا د بندیزونو په مقابل کې بندیزونه ولګول
روسي چارواکو ویلي چې تر دې وروسته د امریکایي چارواکو په وړاندې چوپ نشي پاتې کیدلی او امریکا ته به ځواب بالمثل ورکوي.
د روسیې د بهرنیو چارو وزارت ویلي چې روسیه غواړي په مسکو کې د امریکایي سفارت ټول ملکیتونه ضبط کړي،
همداراز د روسیې د بهرنیو چارو وزارت له لوري په خپره شوې خبرپاڼه کې راغلي، چې مسکو به د امریکا د سفارت او کونسلګریو د کارکوونکو شمېر ۴۵۵ کسانو ته راټيټ کړي
دا پداسې حال کې ده چې څو ورځې وړاندې امریکايي چارواکو پر ایران، شمالي کوریا او مسکو د نورو سختو بندیزونو د وضع کولو طرحه تصویب کړه. دغه طرحه به تر تصویب وروسته ولسمشر ټرمپ ته رسېږي خو تر اوسه معلومه نه ده، چې نوموړی به یې توشیح کړي که نه.
روسیې د واشنګټن وروستي اقدامات پاروونکي او غیر قانوني بللي او د ورته ګامونو د اخیستو ګواښ یې کړی.
