(کابل ټکی کام ۱۳۹۶زمری ۱۰)
د کندز د شيرخان بندر د ګمرګ مسئولين وايي، چې د تېر کال د څلورو مياشتو په توپير د روان کال په هماغه موده کې د دغه ګمرک په عوايدو کې ۹۸ سلنه زياتوالی راغلی دی.
د شيرخان بندر د ګمرګ رئيس عبدالله حارث رسنيو ته ويلي، چې تېر کال په څلورو مياشتو کې دغه ګمرګ ۳۵ سلنه عوايد درلودل، خو سږ کال په همدغه موده کې بيا ۹۸ فيصده زيات شوي دي.
نوموړی وايي، د ګمرک له ادارو څخه څارنه او د ماليې وزارت له لوري په دغه بندر کې پرمختللي سستمونه نصوبل د دې لامل شوي چې له ياد ګمرګ څخه سږ کال عوايد زيات ترلاسه کېږي.
که څه هم تر دې مخکې راپورونه ورکول شوي، چې د افغانستان ډيری ګمرکونه د فساد او اختلاس ښکار شوي، چې تر ډيره يې عوايد د زورواکو جیبونو ته لوېږي، خو په شیرخان بندر کې د افغان سوداګرو د اتحادیې رئیس سید مجتبی هاشمي وايي، چې په دې وروستیو کې د کندز د سیمهییزې ادارې لهخوا د ګمرک په چارو کې د یو شمېر مافیايي کړیو مخه نیول شوې، چې له کبلهیې په سوداګریزو چارو کې سهولتونه رامنځته شوي او د دې بندر په عوایدو کې هم زیاتوالی راغلی دی.
د افغانستان ډیری ګمرکونه په عصري “اسیکودا” سمبال دي خو ویل کېږي چې د دې سربیره د ګمرکونو د عوايدو یوه برخه د اشخاصو جېبونو ته ځي.
په افغانستان کې د څار د يو شمير ادارو د مالوماتو له مخې د افغانستان له څلور سوه ميليون ډالره څخه زيات ګمرکي عوايد غلا کېږي.
-الماس خدرخېل-
